وطبعا بعد ما احنا عرفنا ازاي نعمل مدونة جديدة انهردة بقا هنعرف ازاي تكتب اول موضوع حصري في بلوجر تابعوا ...
اول حاجة عايز اعرفهلكم ان ايه هي أهمية المواضيغ اللي انت هاتكتبها :- ان المواضيع دي بتجيب زوار لمدونتك او لموقعك ولما تجيب زوار مدونتك هاتكبر ولما هاتكبر ممكن بقا من خلالها تفعل ان ممكن تكسب من المدونة دي ...
ملحوظة مهمة جدا جدا .. ابتعد عن الكوبي والبيست يعني لو انت شوفت موضوع علي النت عجبك ماتروحش علطول عمله كوبي وعلي مدونتك .. لا حاول انت تألف مواضيع وخصوصا لو انت عايز تكبر موقعك .
نيجي بقا لأزاي تعمل اول موضوع علي مدونتك وهي طريقة سهلة جدا جدا وبسيطة فوق لما تتخيل !!
اول حاجة خش علي لوحة تحكم بلوجر
من هنا تقوم دايس علي علام القلب اللي باللون البرتقالي اللي هي دي
وبعد كده هتظهرلك صفحة تانية وهي دي بقا اللي كل شغلنا عليها
ما عدا في اتنين اللي عليهم دايرة اللي هي كلمة الارتباط وعلامة الورقة اللي فيها حتة مقصوصة دي
كلمة الارتباط دي لو انت عايز مثلا حد يخش علي رابط معين والرابط ده مثلا كلامه كتير تقوم انت دايس علي كلامة الارتباط وتكتب في اول خانة أي كلمة انت عايزها تظهر بدل اللينك ولتكن مثلا "من هنا"
وتاني خانة تحط اسم اللينك اللي انت عايز الكلمة اللي هي "من هنا" تخش عليها فبالتالي اللينك مش هيظهر وهتظهر كلمة دوس
-------------------------------
انما بقا علامة الورقة دي بردو حاجة تشبها شوية .. ان لو انت حاطط موضوع كبير تخلي كلمة :مزيد من المعلومات" تظهر بدل ما يكون كلو ظاهر وتعملها قبل ما تكتب الموضوع
-------------------------------
كده احنا خلصنا من كلو ... وبعد ما انت تكتب الموضوع تدوس علي كلمة نشر وكده الموضوع هايتنشر علي المدونة
وحاول تكتب مواضيع كتير وزي ما قولتلكم ابعدوا عن ال copy وال paste
وتابعوا المزيد ... :D
