اكتر من طريقة علشان تحافظ علي بطارية موبايلك

طبعا كلنا عارفين ان البطارية هي عامل أساسي في أي موبايل ف انا جبتلكم موضوع لازاي تحافظ عليها وتدوم اكتر معاك كل اللي عليك بس انك تقرأ شوية النصائح دي وممكن اغلبية الناس مش عارفاها فقط تابعوا ...
اول حاجة حاول متشحنش الموبايل لاخره وخصوصا ان كانت البطارية بتاعتك ليثيوم وكمان تحاول انه ميفضاش اوي يعني مثلا تحاول ان الموبايل مايجبش ال 20% .

تاني حاجة متستعملش الاهتزاز بتاع الموبايل يعني مثلا لما ييجي حد يتصل بيك تكون معتمد علي الصوت بس بلاش الاهتزاز لانه بيسحب كتير جدا من البطارية .

وكمان تحاول تقلل من استخدام الكاميرا والفلاش لانهم بردو من ضمن الوسائل اللي بيسحبوا جامد في البطارية .

وبردو تحاول تقلل من زمن مكالمتك يعني متتكلمش في التليفون لوقت طويل جدا .

وكمان البلوتوث ده اكتر حاجة بيسحب من البطارية وخصوصا لو انت بتستعمل سماعة البلوتوث .

وكمان قلل من مستوي سطوع الشاشة او خليه علي وضع الاتوماتيك .

وبردو حاول متحطش أي صور متحركة خلفية .

وحاول متتفرجش كتير علي فيديوهات سواء كانت علي الفيس او اليوتيوب لان الفيديوهات بتسحب كتير من البطارية .

دول شوية نصائح للحفاظ علي البطارية علي أي موبايل سواء كان نوعه او نظامه .

نيجي بقا للعلامات اللي تكون فيها البطارية باظت :-

1- الوقت وانت بتشحن فيه الموبايل بقا قليل.

2- البطارية بتسخن وهي بتتشحن.

3- البطارية بتسخن وانت بتستخدم الموبايل.

4- انتفاخ البطارية.